DAVAO CITY – Wala na kagawas sa police station ang usa ka lalaking misuway nga magpalusot og ilegal nga druga pinaagi sa pagpalaman niini sa pan bandang ala-una sa hapon, kagahapon.
Giila sa Digos City Police Station ang dinakpang si John Paul Dosdos, taga Purok Kamansi Power, Barangay Tres de Mayo, Digos City.
Subay sa report, mibisita ang suspek sa iyahang higala nga napriso usab sulod sa Digos City Police Station.
Apan sa dihang giinspeksyon sa duty jailer ang dala niining pan, didto nakita nga dunay gipalaman nga gituuhang shabu.
Nakuha gikan sa dinakpan ang gipalaman nga pakete sa gituuhang shabu nga gibana-banaang nagkantidad og P7,500.00.
Paslak dayon ang dinakpan nga mag-atubang og kasong kalapasan sa Republic Act 9165 kon Comprehensive Dangerous Drugs Act of 2002.
via || Bombo LJF
