DAVAO CITY – Pabilin pang walay pamilya nga mikuha ug miila sa patay nga lawas sa usaka lalaki nga nakaplagan na lamang sa hilit nga dapit a Purok 7 Barangay Gatungan, Bunawan ning dakbayan sa dabaw kagahapong adlawa.
Gikanayon ni Police Lt Dante Espejon sa Bunawan Polie Station, nakiglambigit na sila sa mga barangay officials ug mga residente sa kasikbit nga mga barangay kung aduna bay mga pamilya nga nawad-an ug kabanay nga moadto sa Rivera Funeral Homes aron kini an makita.
Dugang pa ni Espejon nga nagpadayon pa ang ilang gihimong imbestigasyon aron masuta kung si kinsa ang mga suspect sa nahisgutang krimen diin ang biktima gituohang biktima sa pagpang-salvage. Dugang pa ni Espejon nga gituohang igo lamang gilubong sa maong dapit ang biktima ug gipatay kini sa laing lugar. Gipaabot usab sumala pa sa kapulisan ang pamilya sa biktima nga mokuha sa patay nga lawas niini aron makapahigayon sila ug otopsiya ug masayran ang hinungdan sa kamatayon niini.
Gikanayon usab sa maong police official nga subay sa inisyal nga imbestigasyon, walay nakita ang kapulisan nga bisan usa ka samad dinunggaban o pinusilan sa patay nga lawas sa biktima. Gikabutyag nga nadiskobrehan ang patay nga lawas sa biktima sa usaka biker nga mangihi unta sa maong dapit. Gtiuohan nga gidali-dali sa paglubong ang patay nga lawas sa biktima, apan gumikan kay mabaw lamang ang pagkalot sa yuta hunungdan nga migimaw ang katunga nga bahin sa lawas niini o ang tiilan nga bahin.
Ang biktima ang nagsul-ob ug itom ug puti nga strips nga t-shirt ug cargo short ug gibana-bana na naa sa pangidarong 50 hangtud 55 anyos. Gituohang gipatay ang biktima mga tulo hangtud upat ka adlaw na ang milabay sanglit naa na sa advance state of decomposition ang patay nga lawas niini.
