DAVAO CITY – Gibisita ni House Speaker Martin Romualdez ang fabrication site sa Care for School Chairs program nga usa sa mga programa sa Tagum City LGU.
Gatusan ka mga school chairs nga gama sa nakolektang ilegal nga troso ang malampusong nahatag sa mga pambulikong tulunghaan sa Tagum City sukad nagsugod ang tuig 2023.
Atol sab sa pagbisita ni House Speaker Romualdez sa Tagum City sa Davao del Norte, giubanan sab siya nila Tagum City Mayor Rey Uy ug Davao del Norte Vice Governor Oyo Uy sa pagpangapud-apud og ayuda sa gatusan ka mga pedikab drivers nga gipundohan pinaagi sa Assistance to Individuals in Crisis Situations kon AICS sa DSWD 11.
Nihapit sa Tagum City sila Romualdez ug uban pang myembro sa Lakas-CMD atol sa nahitabong panagtapok sa mga myembro sa partido kaniadtong nakalabay nga simana.
Anaa sab sa maong panagtagbo sila kanhi Pangulong Gloria Macapagal Arroyo, ug Lakas-CMD Chairperson ug Vice President Sara Duterte.
via || Bombo LJF
