DAVAO CITY – Nasakpan ang tulo ka mga lalaki nga kargo niining mga gipamutol nga mga punoan sa kahoy sa checkpoint sa Crossing Inawayan, Barangay Inawayan, Sta. Cruz, Davao del Sur sa nakalabayng adlaw.
Sigun sa report sa Sta. Cruz Municipal Police Station, giila niini ang mga dinakpan nga sila Navarro Dela Cruz, 47 anyos, minyo, driver ug residente sa Bago Aplaya, Davao City; Andres Sabudan, 53 anyos, labourer, residente usab sa Bago Aplaya, Davao City ug Roland Tacder, 38 anyos, residente sa Tibuloy, Toril, Davao City.
Bitbit sa gimanehong elf truck ang 20 ka punoan sa Mahogany, 20 ka punoan sa Durian ug 40 ka punoan sa Marang.
Gipasaka na ang kasong paglapas sa Presidential Decree 705 kon Revised Forestry Code of the Philippines, ug Republic Act 9175 kon Chain Saw Act of 2002 batok sa tulo ka mga dinakpan.
via || Bombo LJF
