DAVAO CITY – Gikalipay sa mga delivery service riders sa Davao City ang gisugyot nga pag-repeal kon ang pagpawalay-gahum sa giduso nga ordinansa nga magpakuha kanila og business permit.
Kaniadtong Huwebes, naglusad og joint committee hearing ang mga komitiba sa Trade Industry, Commerce and Finance, ug Ways and Means Appropriation sa panguna nila Councilor Al Ryan Alejandre ug Councilor Bernie Al-ag.
Gihisgutan sa maong hearing ang mga kapakyasan sa gipatumang Ordinance 0621-21 nga gikaapekto sa mga delivery riders sa dakbayan.
Lakip sa mga gipunting ang sayop nga implementasyon gumikan sa taas nga galastuson sa mga rider sa pagpa-isyu og mga business permit.
Girekomenda sa mga komitiba nga ihunong una ang ordinansa alang sa pag-amyenda sa pipila ka mga probisyon mahitungod sa pagkuha og permit.
Gikumpirma sab ni Councilor Alejandre nga ipasaka ngadto sa ikaduhang pagbasa ang pag-repeal sa maong ordinansa.
Kahinumduman nga gipalihok ni Councilor Al-ag ang maong ordinansa nunot sa mga nadawat nga reklamo gikan sa mga delivery drivers nga buot mukuha sa ilang business permit aron lamang ma-legitimize ang ilang serbisyo.
via || Bombo LJF
