DAVAO CITY – Tingkagol sa prisohan ang tulo ka mga manalpakay human nasakpan nga nagpahigayon ug ilegal nga sabong atol sa gilusad nga anti-illegal gambling operation sa Panacan Relocation, Panacan, Davao City.
Giila sa Sasa Police ang mga dinakpang sila Leo Montel Vano, 49 anyos, taga-Block 2 Purok 13, Panacan Relocation; Diosdado Arconera Patoc, 63 anyos, taga-Purok 8 Km 13 Zone 2, Panacan; og Mansueto Pandeling Napuli, 24 anyos, taga-Zone 1 Sasa Onse, ning dakbayan.
Nakumpiska gikan sa mga sabungero ang duha ka binuhing manok-panari nga naaktuhang aktwal nga giabat sa sabong; lakip ang lain pang pito ka mga binuhing manok-panari; ug kapin P5,300 nga bet money.
Gipaandam na ang kasong pagsupak sa Presidential Decree No. 1602 kon Philippine Anti-Illegal Gambling Law batok sa tulo ka mga dinakpan.
via || Bombo LJF
