DAVAO CITY – Nadakpan na sa otoridad ang bana nga nidunggab patay sa iyang asawa pasado alas 10 sa gabie niadtong Enero 10.
Sumala kang PCapt. Giecarr Villarin, pasado alas 6:45 sa buntag niadtong Enero 11, malampusong nahipos sa otoridad ang suspek nga si Neritz Jose alyas Renren 37-anyos, usa ka mananagat.
Kahinumdumang dead on arrival sa balay tambalanan ang usa ka Ginang nga giilang si Rizalyn Jose 27-anyos, minyo ug mulopyo sa maong lugar. Kini human nga gidunggab sa iyang bana nga mananagat gumikan matod pa sa selos.
Natulog na niadtong tungora ang biktima kauban ang mga bata dihang kalit siyang gidunggab sa suspek igo sa dughan gamit ang 10 pulgadas nga gitas-on sa kutsilyo, dayon misibat.
Sa hot pursuit operation nadakpan ang suspek alas 6:45 sa buntag niadtong Enero 11, 2023 sa Sitio Kaltipay Brgy. Tucal. Napasakaa na usab kini og kasong Parricide.
