DAVAO CITY – Arestado ang duha ka mga drayber sa truck nga parehong naghupot og ilegal nga droga ug armas atol sa malampusong buy-bust operation sa Cuaco, Barangay Pampanga, Sasa, Davao City.
Giila sa Sasa Police ang mga dinakpang sila Argie Bereso Noro alyas Argie, 35 anyos, nagpuyo sa Veterans Village, Panacan; ug Ramel Alpuerto Callao, 33 anyos, nagpuyo sa Barangay San Isidro, Bunawan, ning dakbayan.
Nasignit gikan sa mga dinakpan ang tulo ka pakete sa gituohang shabu, usa ka sumpak, ug lain pang armas nga gituohang usa ka kalibre nuebe milimetros nga pusil.
Tingkagol sa prisohan ang mga suspek nga mag-atubang ug kasong paglapas sa Republic Act 9165 kon Comprehensive Dangerous Drugs Act of 2002 og Republic Act 10591 kon Comprehensive Firearms and Ammunition Regulation Act.
via || Bombo LJF
