DAVAO CITY – Mikabat sa 320,000 pesos ang kinatibuk-ang kantidad sa illegal nga sigarilyo ang nakumpiska sa mga otoridad gikan sa duha ka managlahing suspek nga nadakpan sa susamang adlaw.
Kagahapon, unang gikumpiska ang 70,000 pesos nga kantidad sa mga smuggled nga sigarilyo sa may Lacson, Calinan ning siyudad.
Nagagikan ang maong kontrabando sa usa ka Datu-ino Malawi, 52 anyos, residente sa Purok 1, Brgy Lacson, Calinan District, ning dakbayan.
Gikanayong nadiskobrehan ang karga nga illegal nga sigarilyo sa puti nga multicab sa dinakpan.
Samtang, sa susamang adlaw, aduna sab nasignit nga 250,000 pesos nga kantidad sa mga smuggled nga sigarilyo sa Sirawan Checkpoint, Toril, Davao City.
Gipanag-iyahan kini sa usa ka Lyndon Lumapas, 44 anyos, residente sa Sinaliwan, Matanao, Davao del Sur; ug karga sab kini sa iyang gimanehong metallic gray nga Navara.
Parehos tanggong sa prisohan ang mga dinakpan nga mag-atubang og kasong paglapas sa RA No. 4712 kon Tariff and Customs Code of the Philippines.
via || Bombo KMG & Bombo LJF
