DAVAO CITY – Magpahigayon ug pagbisita sa mga telco sa tibuok Davao Region ang National Telecommunications Commission 11 sugod Pebrero 1 aron sayron ang mga kalihukan atol sa registration days sa gipatumang SIM Registration Act.
Gibutyag ni NTC 11 Regional Director Nelson Cañete nga gamay pa lamang ang nakaparehistro nga mga subscribers.
Subay sa ulahing datos sa NTC, anaa pa lamang sa 13 million ang nakaparehistro nga mga subscribers, gamay pa lamang kini kung itandi sa 180 million ka mga subscribers nga target sa buhatan nga makaparehistro.
Pipila sa mga nahimong suliran sa mga subscribers ang technical glitches sa mga registration sites nga gitagana sa mga telco; ug ang hinay ngadto sa halos walay internet connection sa mga hilit nga bahin sa rehiyon.
Apan gipaniguro ni Cañete ang pagmugna ug mga on ground registration sites alang sa mga remote areas sa rehiyion. Abli sab kanunay ang 24/7 hotline alang sa pipila ka mga kakuliang giatubang sa mga subscribers atol sa ilang pagparehistro.
Giawhag usab sa opisyal ang tanang katawhan nga likayan gayud ang pagtuplok sa bisan unsa nga text blasts kung wala kini nakapangalan sa ilahang mga telco providers aron malikayan nga ma-scam o mahigop ang kwarta nga anaa sa ilahang mga accounts.
via || Bombo JLM & Bombo LJF
