DAVAO CITY – Nakabsan sa kinabuhi ang usa ka 48 anyos nga lalaki human kini nadunggaban sa iyang silingan bandang alas-4:30 sa hapon, niadtong Sabado, sa Prk 6-B, Brgy Magatos, Asuncion, Davao del Norte.
Giila ang suspek nga si alyas Jamir, 22 anyos, naay kapuyo ug residente sa maong dapit. Sumala pa sa inisyal nga imbestigasyon sa Asuncion Municipal Police, napalgan sa suspek nga gikulata ang iyang amahan nga si alyas Raul, sa biktimang giila isip alyas Rani, 48 anyos, ug silingan sa suspek.
Sa wala pagduha-duha, mibalos ang suspek ug dayong gidunggab niini ang biktima sa gikan sa tuo lahos sa wala nga bahin sa iyang tiyan.
Gidali-dali pa ug tabang ang biktima sa Kapalong District Hospital apan gideklara na kining dead on arrival.
Nakumpiska ang sundang nga gigamit sa maong pagpanunggab.
Kasamtangang tingkagol ang suspek sa prisohan ug posible niining atubangon ang kasong Murder.
via || Bombo LJF
