DAVAO CITY – Padayong gipangita sa otoridad ang nabiling tulo ka biktima kinsa apil sa mga natabunan sa landslide nga natigayon sa Purok Sanghay, Barangay Don Salvador, Mati City, Davao Oriental.
Gani niabot sa 86 ka rescuers ang nagtinabangay aron nga makuha ang 3 ka biktima. Subay sa police investigation, natabunan ang 4 ka biktima nga giilang sila Cristituto Matigmusa Casaligan Sr., 62 anyos, minyo kinsa residente sa purok chairman of Purok Sanghay, Barangay Don Salvador.
Apil usab sa gituohang natabunan ang mga minor de edad nga silang John Gel Paglanson Casaligan, 15 anyos ug Jethro Paglanson Quilat, 14 anyos ug ang hamtong nga si Roberto Palaez Ampo, 52 anyos kinsa parehong mga residente sa Purok Sanghay, Barangay Don Salvador, Mati City.
Nangisda matod pa ang mga biktima niadtong tungora dihang nahitabo ang landslide. Una ng narekober ang patay’ng lawas ni Cristituto Magmusa Paglanson, 62 anyos ning nakalabay’ng adlaw.
Nasayran nga si Paglanson ang purok president sa Purok Sanghay, diin nahitabo ang pagdahili sa yuta.
