DAVAO CITY – Pormal nang giablihan ang pinakabag-ong Botika ng Bayan nga nahimutang sa Bunawan, ning dakbayan.
Anaa sa maong turn-over sila Department of Health Undersecretary Abdullah Dumama, City Health Office Head Dr. Ashley Lopez, Councilor Trisha Villafuerte, Davao City Malasakit Center Head Josephine Mitaran, Lingap Program Head John Patrick Celis, ug Bunawan District Health Office Head Dr. Michelle Schlosser.
Nagdonar ang Philippine Institute of Traditional and Alternative Health Care ug mga tambal nga ipanghatag sab sa mga Botika ng Bayan sa dakbayan.
Kini ang ika-pito nga BNB sa Davao City nga andam maghatag ug libreng tambal alang sa mga pasyente nga nagagikan sa mga government owned nga mga klinika ug ospital.
Mamahimong makapahimulos ang katawhan sa mga barangay sa Bunawan District gikan niini pinaagi sa pagpakita sa ilang reseta ug valid ID.
via || Bombo LJ Florendo
