-- ADVERTISEMENT --
DAVAO CITY – Nakasignit ug marijuana ang mga sakop sa San Pedro Police Station gikan sa 19 anyos nga suspek nga si alyas Gamay atol sa gikasang buy bust operation sa Purok 6, La Suerte compound, Magallanes St., Brgy.2-A, Davao City.
Giila si alyas Gamay isip Catherine Canete Panerio, residente sa St. Matthew, Paradise, Manggahan, Toril, ning dakbayan.
Atol sa pagdakop, positibong napalitan ang suspek ug usa ka sachet sa gituohang ugang dahon sa marijuana sa kantidad nga P500 marked money.
Lain pang pito ka pakete sa marijuana ang nakumpiska nga nagtimbang ug punto ochenta gramos ug nagkantidad ug P3,500.
Kasong paglapas sa Republic Act 9165 kon Comprehensive Dangerous Drugs Act of 2002 ang gipasaka batok sa dinakpan.
-- ADVERTISEMENT --
via || Bombo LJ Florendo
