DAVAO CITY – Nangayo ug dugang pwersa ang Task Force Davao sa 10th Infantry Division alang sa pagpakusog sa seguridad sa umaabot nga Kalag-kalag.
Gikanayon ni Task Force Davao Commander Colonel Darren Comia, 500 ka mga personahe ang gikinahanglan lakip ang 100 ngadto sa 250 ka mga sundalo gikan sa 10IB ug daghang numero gikan sa mga reservist forces nga magtabang sa pagbantay karong All Saint’s Day ug All Soul’s Day.
Gibana-banang anaa sa 800 ka mga personahe gikan sa Philippine Army ang gikinahanglan aron malukop ang tibuok dakbayan.
Ipabalandra ang mga pwersa sa kasundaluhan aron mapuno ang kakuwangon sa mga security forces nga gikinahanglan sa tanang mga pampubliko ug pribadong sementeryo sa dakbayan.
Magbutang sab ug riverine detchment force partikular na sa Bunawan aron mababagan ang pagsulod sa mga ilegal nga kargamento gikan Samal Island ug Davao del Norte.
via || Bombo LJ Florendo
