DAVAO CITY – Na-rescue ang usa ka menor de edad nga nalambigit sa pagpahuyot ug ilegal nga droga atol sa gipahigayong buy-bust operation sa Purok 4, V. Mapa Extension, Brgy. 9-A, Davao City.
Giila sa San Pedro Police Station 2 ang suspek nga si Jay-ar Padayon Castro alyas Dodong, 17 anyos, taga-Purok Alimokon, Mandug, Davao City apan kasamtangang nagpuyo sa Purok 5, Bolton Isla, Brgy. 40-D, ning dakbayan.
Napalitan ang suspek atol sa operasyon ug usa ka kapin 10 gramos nga pakete sa gidudahang pinaugang dahon sa marijuana nga nagkantidad ug P500.
Nakuhaan sab ug lain pang duha ka pakete kon baynte uno gramos kapin nga marijuana gikan sa suspek nga mubalor ug kapin P5000 ang kantidad.
Gikustodiya na ang suspek sa San Pedro Police Station 2 ang suspek nga posibleng mag-atubang ug kasong pagsupak sa RA 9165 o Comprehensive Dangerous Drugs Act of 2002.
via || Bombo LJ Florendo
