Dead on the spot ang usa ka suspek sa buy-bust operation nga matud pa nanlaban sa mga pulis gumikan sa pagkasikop niini.
Human sa gikasang operasyon niadtong Oktubre 15 sa kaadlawon, gidala sa prisohan sa Baliok Police Station ang usa ka alyas Jay-R, 21 anyos, farm handler nga taga-Barangay Dumoy, Davao City.
Samtang nagkuha ug fingerprints sa dinakpan, nakahigayon ug lagnit ang suspek sa pusil sa usa ka pulis.
Gisulayan pa ug pugong sa kapulisan ang nanlaban nga suspek apan napusilan kini ug dayon.
Gitabang dayon ug dala ang suspek sa balay tambalanan apan gideklara kining dead on arrival.
Nakahiagum ug duha ka samad pinusilan sa dughan ang suspek.
Gilagak na sa morgue sa Toril ning dakbayan ang patayng lawas ni alyas Jay-R nga mag-atubang unta sa kasong paglapas sa RA 9165 o Comprehensive Dangerous Drugs Act of 2002.
