-- ADVERTISEMENT --
DAVAO CITY – Nasikop ang duha ka batan-on sa Tagum City, Davao Del Norte human naaktuhang namaligya ug kinawat nga bakal bandang alas-dos sa hapon, niadtong Sabado, Oktubre 15.
Giila ang mga biktimang sila alyas Fritz, 19 anyos, taga-Magugpo West; ug alyas Leandro, 24 anyos, taga-Barangay La Filipina, Tagum City.
Sumala sa imbestigasyon sa Tagum City Police, naatuhang ibaligya ang mga bakal sa usa ka junkshop sa syudad.
Mukabat sa 40 kilos ang timbang kon gibana-banang P3,000 ang kantidad sa gikawat nga mga bakal nga gipanag-iyahan sa usa ka simbahan.
Gitudlo sa staff sa simbahan ang duha ka batan-on nga responsable sa maong pagpangawat. Himas-rehas karon ang mga suspek nga pasakahan ug kaso.
-- ADVERTISEMENT --
VIA || Bombo LJ Florendo
