DAVAO CITY – Napuhag sa mga sakop sa Philippine Drug Enforcement Agency ang usa ka drug den atol sa gipahigayong buybust operation sa Purok Bucana, Pahamotang, Barangay Matiao, Mati City, Davao Oriental niadtong Sabado sa kaadlawon.
Tumong sa maong operasyon ang pagdakop sa suspek nga si Rodnick Verdeflor, 25 anyos.
Apan nahilakip sab sa mga nadakpan ang ka-live in niining si Janet Palmero, ug ang dayo lamang sa lugar nga si Edvic Verdeflor.
Nasignit sa mga operatiba ang lima ka gramos sa gituohang shabu nga anaa sa gibana-banang P75,000 nga kantidad, mga drug paraphernalia, ug kwartang gigamit sa operasyon.
Gitahan na sa mga otoridad ang mga dinakpan nga mag-atubang ug kasong pagsupak sa Republic Act 9165 o Comprehensive Dangerous Drugs Act of 2002.
via || Bombo LJ Florendo
