DAVAO CITY – Hingpit nang gideklara ang Davao Region isip insurgent free region human sa malampusong operasyon sa pagpakgang sa mga nahibiling sakop sa pwersa sa mga rebeldeng grupo sa rehiyon.
Giselyohan na sab ang resolusyon sa Regional Peace and Order Council 11 Resolution Number 07 series of 2022 atol sa panagpulong nga gipahigayon kagahapon sa Naval Station Felix Apolinario, Panacan, Davao City.
Gitambongan sa mga opisyal sa militar, kapulisan, stakeholders, mga opisyal sa Local Government Unit sa Davao Region ang opisyal nga pagdeklara sa maong distinksyon.
Kahinumdumang gipugsa sa mga kasundaluhan ang kinse ka mga guerilla fronts lakip na ang mga sub-groups nga nanguna sa operasyon sa mga rebelde sa managlahing bahin sa rehiyon.
Nagpahayag sa iyang pagpasalamat si 10ID Commander MGen Nolasco A. Mempin sa mga ahensya ug mga myembro sa RPOC 11 nga nagsuporta sa ilang kampanya batok insurhensiya sa gobyerno.
Paningkamutan pa sa militar ang pagbaton sa peace and order sa tibuok Davao Region.
via || Bombo LJ Florendo
