-- ADVERTISEMENT --
DAVAO CITY – Gitanggong sa prisohan ang usa ka habal-habal driver human nakuhaan ug marijuana atol sa pagronda sa barangay tanod sa usa ka sitio sa Catalunan Grande, ning dakbayan.
Sigun sa report sa Talomo Police, nailhan ang dinakpang si Mar Albert Gumapac, residente sa maong dapit.
Nasakpan kining nag-inum uban ang duha pa niyang kaubanan atol sa liquor ban, niadtong Oktubre 9 sa kaadlawon.
Sa dihang giinspeksyon sa mga tanod, nasiplatan nila ang usa ka gagmayng pakete sa gidudahang ugang dahon sa marijuana.
Wala na mipalag pa ang dinakpan sa dihang gidala na ug gipaslak sa selda sa Talomo Police Station samtang mag-atubang ug kasong pagsupak sa Republic Act 9165 kon Comprehensive Dangerous Drugs Act of 2002.
-- ADVERTISEMENT --
via || Bombo LJ Florendo
