DAVAO CITY – Nagpahimangno si Davao City Police Office acting director Colonel Alberto Lupaz nga magtarong ug mamahimong responsable sa ilang trabaho isip pulis.
Kana human nalambigit ang duha ka Pulis Davao nga sila PCMS Renante Medina ug PMSg Christopher Ararao sa nahitabong pagpanulis sa balay sa negosyante sa Purok Ondok Gawan, Brgy. San Jose General Santos City, sa miaging adlaw.
Matud pa sa DCPO nga dili nila palapason ang mga pulis nga nalambigit sa tanang kriminalidad ug pagaimbestigahan kining insidente nga patas ug walay pagdapig-dapig.
Nauna nang gi-relive sa pwesto ang mga nahisgutang pulis apil ang ilang mga bisor ug kumander ni Police Regional Office 11 regional director Brigader General Benjamin Silo Jr. samtang mag-atubang sab sila og kasong administratibo.
via || Bombo LJ Florendo
