DAVAO CITY – Mukabat sa 1,350 Civilian Active Auxiliaries kon CAA ilawom sa 10th Infantry “Agila” Division ang nakabenepisyo sa gipahigayong Dental Examination sa 1370th Dental Detachment gikan Setyembre 22 hangtod Oktubre 5, 2022.
Sumala kang Lieutenant Colonel Ryan J Glaraga, Chief sa 1370th Dental Detachment stationed sa Mawab, Davao De Oro, simulataneous nga gipahigayon ang series of medical examinations alang sa CAA Refresher and CAA Basic Military Training Program.
Dugang pa niini, nagtinabangay ang mga opisyal ug enlisted personnel gikan sa laing unit sa 10ID aron ma accommodate ang ihap sa mga CAA.
Sa pikas bahin gidayig usab ni MGen Nolasco A Mempin, 10ID Commander, ang papel sa mga CAA kinsa mao matod pa ang frontline sa pagbantay ug depensa sa komunidad, busa angayan lang matod pa nga makatagamtam ang mga nahisgutan sa tanang benepisyo nga angay ngadto kanila.
Subay sa record sa Dental Detachment, mukabat sa 290 CAA Davao Occidental, 110 CAA sa North Cotabato, 110 CAA sa Bislig City, 330 CAA gikan sa Davao Del Norte, ug 510 CAA nga gikan sa Davao ang ilang na examined.
