DAVAO CITY – Giluwas ang usa ka giabandonang batang babaye nga gibutang lamang daplin sa may national highway sa Barangay Guihing, Hagonoy Davao del Sur.
Una kining napalgan sa usa ka concerned citizen ug iya kining gidangop sa Hagonoy Municipal Police.
Pag-adto sa kapulisan sa lugar, nasayran nga anaa sa duha ngadto sa tulo ka adlaw pa lamang gikan sa pagkahimugso ang bata nga gibilin lamang sa mga ginikanan niini.
Naluwas ang baby sa dihang gikuha kini sa mga sakop sa Municipal Social Welfare and Development Office ug gidala dayon kini sa balay tambalanan sa Davao del Sur Provincial Hospital alang sa hinaling check-up.
Malampusong giluwas ang gibiyaang bata nga kasamtangang anaa sa pag-amuma sa Reception Study Center for Children sa Bajada, Davao City.
via || Bombo LJ Florendo
