DAVAO CITY- Natunol na sa City Government of Davao pinaagi sa City Social Welfare and Development Office (CSWDO) ang award ngadto sa 32 ka mga centenarians atol sa gipahigayong aktibidad kagahapong adlawa sa Grand Menseng Hotel isip pag-ila sa mga nahisgutan.
Pipila sa mga awardees ang personal nga mitambong sa maong event samtang ang uban ang gi-representahan sa ilang miyembro sa pamilya.
Nakadawat ang matag usa sa awardee og usa ka plake ug P100,000 cash. Kahinumduman nga kwalipikado sa maong award ang mga katigulangan nga nakaabot sa edad nga 100 years old human sa Disyembre 2, 2021, ang adlaw kung kanus-a napalabang ang ordinansa alang sa pag-ila sa mga Centenarians.
Muabot sa unse ka mga centenarians ang personal nga nakatambong sa event ug nakadawat sa maong award. Samtang ang laing 22 ka mga centenarians ang gi-representahan sa usa sa miyembro sa ilang pamilya.
