Lalaking nagbarog lamang sa iyang balay, gipusil

DAVAO CITY – Natabang pa ug dala sa balay tambalanan ang 46 anyos nga biktimang si Alyas Julius nga kalit lamang gipusil sa wa mailihing suspek gawas sa ilang tugkaran sa Purok 12, Barangay San Miguel, Tagum City, Davao del Norte sa miaging adlaw.

Subay sa imbestigasyon sa Tagum City Police, nagtindog lamang ang biktima sa ilang balay dihang miabot ang wa mailhing suspek ug sa walay paglangan, gipusil dayon ang biktima.

Narekober gikan sa crime scene ang upat ka basyo sa kalibre punto kwarentay-singkong pistola nga gituohang gigamit sa suspek.

Kasamtangang ginatuki pa sa kapulisan ang motibo sa maong krimen.

Anaa gihapon sa Davao Regional Medical Center ang biktima aron magpaayo sa mga samad nga iyang nahiagum.

via || Bombo LJ Florendo