DAVAO CITY – Mitahan na sa 701st Brigade sa Philippine Army ang kanhi myembro sa New People’s Army sa Brgy. Magdug, Governor Generoso, Davao Oriental, kagahapon.
Giila ang mga kanhi rebeldeng si Rodel Mandel “alyas Aladen” , kanhi sakop sa nabuwag nga Guerilla Front 18, Sub Regional Committee 1 sa Southern Mindanao Regional Committee.
Gitudlo ug gipang-turn over sab ni alyas Aladen sa mga otoridad ang mga gipang-taguang armas ug ubang hinagibang panggubat nga gilubong sa nahisgutang rebeldeng grupo.
Nahilakip sa mga na-rekober nga mga armas, mao ang usa ka M16 rifle, usa ka M203 Grenade Launcher, usa ka R4 Carbine, Metro Arms, usa ka M4 Carbine, Colt, usa ka US Carbine, ug 3 ka empty bandolier.
Atol sa nahimong pakipag-surrender sa kanhi myembro sa NPA, gipasalamatan ni 701st Brigade Commander BGen Oliver Maquiling ang kasundaluhan sa malampusong pagkakaplag sa mga high powered firearms ug ingon man, ang pag-surrender sa kanhi rebelde ngadto sa gobyerno.
Gipanaad sa 701st Brigade ang tiunay ug malungtarong kalinaw sa probinsya sa Davao Oriental human nga gideklara kining insurgency free sa 10 Infantry Batallion gumikan sa pagkabuwag sa mga rebeldeng grupo.
via || Bombo LJ Florendo
