DAVAO CITY – Balhog sa karsel ang duha ka bisita sa Custodial Facility sa Ecoland, Davao City homan nga nasakpan sa Jail officer ang mga illegal nga droga nga gisulay og paipsot sulod sa maong bilanggoan.
Subay sa report sa kapulisan, pasado alas 12:20 kagahapon dihang unang nadakpan ang usa ka bisitang si alyas “Ren” homan nga nautingkay ang usa ka sachet sa shabu nga gipalaman sa Dutch Milk Drink.
Mitimbang og 7 gramos ang shabu nga dunay street value nga 30 mil pesos ang epektos nga gisulay og palusot sa nahisgutan.
Samtang laing usa ka bisita usab ang nagdala og 6 ka gramo nga pinaugang dahon sa marijuana ang nasapon sa otoridad.
Tingkagol sa bugnaw nga rehas ang duha samtang giandam ang kasong paglapas sa Sec. 11 sa RA 9165 nga atubangon sa mga dinakpan.
