DAVAO CITY – Usa ka drug den ang gilusong sa mga otoridad kagahapon sa kaadlawon sa may Purok West B, St. Anthony St., San Antonio, Agdao, Davao City, diin kapin P165 million nga kantidad sa mga nasignit nga mga gituohang shabu.
Nasikop sab ang mga dinakpan nga sila Geneal Almadin, Duevard Made John Bactong, ung Leane Romas Lubiano.
Positibong napalitan ang usa sa mga suspek nga si Almadin ug usa ka gramo sa gituohang shabu nga naa sa P15,000 ang gibughaton.
Samtang dihang gilusong sa PDEA 11 ang maong drug den, naabtan pa ang laing duha ka mga suspek nga nag-shabu session.
Lain pang mga pakete sa gidudahang droga ug ubang drug paraphernalia sab ang nasignit sa mga otoridad sulod sa drug den nga mubalor sa kinatibuk-ang P150,000 ang kantidad.
Gitanggong na ang mga suspek sa kustodiya sa PDEA 11 nga mag-atubang ug kasong paglapas sa RA 9165 kon Comprehensive Dangerous Drugs Act of 2002.
via || Bombo LJ Florendo
