DAVAO CITY – Nasampolan ug pagsilot sa Ecoland Police ang usa ka taxi drayber nga nakasakpang nag-overcharging atol sa entrapment operation sa may Davao City International airport sa miaging gabii.
Ang dinakpan, gihinganlan nga si Ramon Alta Dano, 44 anyos, taga-Snow White, San Nicholas, Buhangin, ning dakbayan.
Subay sa report, nakadawat ang kapulisan ug sumbong gikan sa usa ka concerned citizen labot sa sobrang pagpaningil sa mga taxi drivers nga sukwahi sa pasahe nga gibase sa matag patak sa metro sa ginamahehong taxi diin nahilakip ang maong dinakpan.
Sa dihang nagpahigayon na ug operation ang kapulisan diin nagpaka-aron ingnon ang usa sa ilang personahe isip pasahero, wala na misulay pa ug palag ang maong dinakpan.
Mitahan na sa mga otoridad ang drayber nga pasakahan ug reklamong grave coercion ug unjust vexation.
VIA || Bombo LJ Florendo
