DAVAO CITY – Usa ka bata nga wala makaginhawa ang gisalbar sa usa ka pulis pinaagi sa first aid technique nga CPR kon Cardiopulmonary resuscitation.
Pagsaysay pa sa mga nakasaksi sa pangitabo, gikan lang sa Police Regional Office 11 ang mga sakop sa 2nd Davao Sur Provincial Mobile Force Company.
Pagsubay sa Diversion road ning dakbayan, naabtan nila ang usa ka mag-amahan kilid sa dalan.
Nagpakitabang ang amahan dos anyos nga bata na si Angelo Julom, 23 anyos, taga-Apokon, Tagum City, Davao del Norte, gumikan sa wala na kini nakabaton ug senyales sa kinabuhi.
Samtang dali-daling gidala ang bata ngadto sa Southern Philippines Medical Center, nagpahigayon ug CPR ang ilang kahanay nga si Patrolman Pat John Kenneth Sabuga-a uban sa pagtugot ni Police Lieutenant Colonel Jacy Jay Francia.
Swerteng naka-recover ang bata human sa paspas nga aksyon sa mga pulis.
Dagko ang pasalamat sa amahan sa bata nga nakabaton ug dagkong utang kabubut-on ngadto sa mga taga-Davao del Sur Police.
Kasamtangang nagpaayo ang bata sa SPMC.
via || Bombo LJ Florendo
