DAVAO CITY – Landig karon sa balay tambalanan ang usa ka guard on-duty sa usa ka warehouse diri sa dakbayan sa Davao kini human nga gidunggab kini samtang nagpahigayon og pag-roving sa iyang gibantayan nga area.
Subay sa impormasyon gikan sa kapulisan, giila ang biktima nga si Rexie Baligtan, 26 anyos ug residente sa Purok 8, Barangay Communal. Sa imbestigasyon, nasayran nga giigang matud pa ang maong guwardiya rason nga nagpahuway kini dapit sa usa ka truck nga gi-parking duol sa warehouse nga ginatrabahoan niini. Apan sa wala damhang panghitabo, kalit lamang kining gidunggab sa wala mailhing indibidwal.
Ang maong maong suspek ang gituohang nagtago matud pa dapit sa may truck niadtong higayona. Ning kasamtangan, gipalawman na sa otoridad ang pagpahigayon og imbestigasyon aron maila kung kinsa ang mipaluyo sa maong pagpanunggab.
