DAVAO CITY – Nagpahigayon ang Toril Police Station ug usa ka buybust operation alang sa pagkasikop sa duha ka mga mag-higala nga nagpahuyot ug ilegal nga droga.
Uban sa hiniusang pwersa sa 1105th RMFB 11, CMFC/DCPO ug TSC RMFB 11 sa Brgy. Crossing Bayabas ning syudad kagahapon sa kadlawon, malampusong gisikop sa mga otoridad sila alyas Jongjong, 42 anyos, minyo, nagpuyo sa Brgy. Bato, Toril; ug alyas Masachi, 26 anyos, drayber nga taga Brgy. Daliao ning syudad.
Narekober gikan sa mga suspek ang mga pakete sa gidudahang shabu ug usa ka sumpak.
Sa selda ang nahimong kapaingnan sa mga suspek nga mag-atubang ug kasong pagsupak sa Republic Act 10591 kon Comprehensive Law on Firearms and Ammunition ug Republic Act 9165 kon Comprehensive Dangerous Drug Act.
VIA Bombo LJ Florendo
