DAVAO CITY – Gibana-banaang mukabat sa P340,000 nga kantidad sa gikatahapang shabu ang nakumpiska atol sa gipahigayong buy-bust operation sa pwersa sa PNP ug PDEA sa Purok Centro, Sitio Taganilao, Brgy. Tamisan, Mati City, Davao Oriental kagahapong adlawa.
Subay sa impormasyon nga gikan sa kapulisan, giila ang mga suspek nga sila alyas “Abdul”, 26 anyos, residente sa Prk Masagana, Brgy. Mayo, Mati City ug alyas “Alberto”, 52 anyos, residente sa Menzi, Brgy. DMM, Mati City nga gikonsiderang Top 5 High Value Individual sa Regional Level. Gikumpirma ni PLtCol Ernesto Gregore, hepe sa Mati City Police Station, nga nakuha gikan sa posisyon sa mga suspek ang pipila ka mga pakete sa gikatouhang shabu nga adunay gimbug-aton nga kapin kun kulang 50 gramo ug gibana-binaang adunay street market value nga P 340,000 ug marked money nga gigamit sa operasyon.
Gikustodiya na ang mga suspek sa istasyon sa kapulisan ug gikatakdang pasakaan og kasong paglapas sa Republic Act 9165 o Comprehensive Dangerous Drugs Act of 2002.
