DAVAO CITY – Gibutyag ni Davao City Mayor Sebastian “Baste” Duterte nga andam ang Davao City Police Office sa pagdungag og seguridad sa mga tulonghaan diri sa syudad kini human sa kabalaka sa mga ginikanan sa gikaingong kidnapping nga nahitabo sa dakbayan ilabi pa nga niadtong milabay nga mga semana, naghitak ang mga sayop ug dili beripikadong impormasyon sa social media.
Dugang pa niini nga ginahulat na lamang sa mga personahe sa DCPO ang hangyo sa matag eskwelahan alang sa pagpatuman sa augmentation sa mga personahe nga ipakatag sa matag palibot sa mga tulonghaan.
Kahinumduman nga naalarma ug nabalaka gayud ang mga ginikanan sa maong pekeng mga impormasyon rason nga aduna gayuy pagpunsisok sa gate sa mga eskwelahan panahon sa ting-ulian sa mga estudyante.
