DAVAO CITY – Gidakop sa Santo Tomas Municipal Police Station ang usa ka lalaki nga wanted sa kasong pagpanglugos sa gipahigayong manhunt charlie operation sa Purok Namnama, Barangay San Emanuel, Tacurong City.
Nailhan ang suspek nga si alyas “Ison,” 29 anyos, lumulupyo sa Purok 9B, Feeder Road 3, Barangay Tibal-og, Santo Tomas, Davao del Norte.
Gipababa sa korte ang iyang warrant of arrest alang sa kasong three counts of rape ug act of lasciviousness nga gipagula ni Judge Minerva Pepino-Estremos sa 11th Judicial Region, Family Court, Branch 3, Panabo City.
Adunay pyansa nga mubalor sa P36,000 nga kantidad ang kasong act of lasciviousness apan non-bailable ang kasong rape nga gipasaka batok kaniya.
Kasamtangang gipaabot pa ang musunod nga lakang gikan sa korte alang sa tukmang disposisyon sa maong suspek.
VIA || Bombo LJ Florendo
