DAVAO CITY – Napalgan sa duha ka mga mananagat ang naglutaw-lutaw nga patayng lawas duol sa baybayon sa Brgy. Centro Agdao, Davao City kagahapon sa buntag.
Ang mga nakakita sa bangkay mao sila Leonardo Hernandez Montes, 48 anyos; ug Angelito Villanueva Labador, 53 anyos, parehong taga-San Marcos, Brgy. Centro, Agdao, ning syudad.
Sumala sa mga nahisgutan, nakakita sila sa maong bangkay nga nasulod sa mga sako sa feeds.
Nagpakitabang na sila sa mga sakop sa Coast Guard alang sa pagkuha sa patayng lawas.
Dayong pag-abli, nasuta nga duna kini nakabutang nga plywood nga nag-ingong, “HOLDAPER KO UG PANEL SA DAVAO CITY.”
Subay sa imbestigasyon sa kapulisan, usa kini ka lalaki, 5’4 hangtud 5’6 ang gitas-on, naka-boxer shorts, parehong gibalutan ug packaging tape ang tiil ug kamot, ug natabunan ang nawong ug duct tape nga naay tela duol sa iyang baba.
Gihaya na ang bangkay sa usa ka punerarya sa Panacan samtang nagpadayon gihapon sa kasamtangan ang imbestigasyon sa otoridad sa maong krimen.
via || Bombo LJ Florendo
