DAVAO CITY – Naharang sa Task Force Davao checkpoint sa Barangay Sirawan, Toril District, Davao City sa miaging adlaw ang usa ka motorista nga naghupot ug drug paraphernalia.
Giila ang suspek nga si alyas Marlon, 42 anyos, ug residente sa Barangay Tres de Mayo, Digos City, Davao del Sur.
Musulod unta paingon Davao City ang suspek apan giharang siya sa mga kasundaluhan aron muagi sa inspeksyon.
Apan wala na kini gitugutang makasulod pa ang suspek tungod gikaplagan sa kasundaluhan nga nagdala diay kini ug mga hinagibang ginagamit sa paggama ug ilegal nga droga.
Natanggong karun sa selda sa Toril Police Station ang lalaking suspek nga pasakahan ug kasong paglapas sa Republic Act 9165 kon Comprehensive Dangerous Drugs Act of 2002.
VIA || Bombo LJ Florendo
