DAVAO CITY – Usa ka lalaki nga wanted sa kasong pagpanglugos ang gidakop sa mga otoridad sa Purok 1, Barangay Libudon, Mati City, Davao Oriental, kagahapon sa buntag.
Pinaagi sa gahum sa warrant of arrest nga gipagula sa korte ni Judge Anthony D. Isaw sa Regional Trial Court, 9th Judicial Region, Branch 28, Liloy, Zamboanga Del Norte niadto pang November 29, 2019; gidakop si alyas Jolito, 47 anyos, mag-uuma ug residente sa nasangpit nga dapit.
Boluntaryong mitahan sa mga sakop sa Mati City Police uban ang pwersa gikan sa 1103rd Maneuver Company Regional Mobile Force Battalion 11 ug 2nd Davao Oriental Provincial Mobile Force Company.
Walay ipahamtak nga pyansa alang sa temporaryong kagawasan ang maong kaso.
Gikustodiya na karon sa Mati City Police Station ang suspek samtang gipaabot pa ang tukmang resolusyon sa korte ngadto sa suspek.
VIA || Bombo LJ Florendo
