DAVAO CITY – Nahitabo ang usa ka aksidente tali sa duha ka sakyanan sa Purok 7, Barangay Sinarangan, Matanao, Davao del Sur sa miaging adlaw.
Subay sa imbestigasyon sa Matanao Municipal Police, padulong unta ang mga biktima pa-Digos City sa dihang mibuto ang ligid sa usa ka kotse nga gimaneho ni Garry Fiel, 30 anyos, uban ang sakay niini nga si Jessa Basug, 25 anyos, puros taga Barangay Poblacion Kiblawan, Davao del Sur.
Samtang misarasay ug mitabok ang kotse sa pikas linya sa dalan, nasugatan nila ang sakyanan padulong Davao City nga gimaneho ni Marvin Agravante, 42 anyos; ug ang sakay niini nga si Angelyn Jamela, 35 anyos, taga-Barangay Poblacion, Midsayap North Cotabato.
Nagbangga ang mga nahisgutang sakyanan hinungdan sa pagka-angol sa mga biktima nga kasamtangang nagpaayo sa balay – tambalanan ug anaa na sa luwas nga kahimtang.
via || Bombo LJ Florendo
