DAVAO CITY – Gilatag karon sa Davao City Police Office (DCPO) ang inisyal nga plano alang sa pagsumpo sa pagpanglugos ug uban pang sexual crimes atol sa gipahigayong Consultative Forum Addressing Rape and Sexual Abuse Cases.
Sumala ni Police Major Maria Teresita Gaspan, hepe sa Women and Children Protection Desk sa DCPO, mas pakusgan pa sa kapulisan ang kapasidad niini sa pagresponde sa sexual abuse diin naobserbahang nakatala og pagsaka sa kaso niini karon sa syudad.
Subay sa datos, nakatala ang DCPO og 175 rape cases niadtong 2019, 173 cases niadtong 2020 ug 169 cases niadtong 2021. Gikanayon ni Gaspan nga kinahanglan magmugna og usa ka hollistic anti-criminality forum nga alang gayud sa pagtubag sa mga rape ug uban pang sexual crimes sa syudad.
Ang maong forum ang langkuban sa tanang concerned agencies lakip ang mga tulonghaan, barangay, faith-based groups ug uban pang ahensya ug mga stakeholders.
Sa pikas bahin, gitahasan ni Col. Alberto Lupaz, Director sa DCPO ang 20 ka mga police station commanders sa syudad nga himoon ang tanan nilang makaya aron panalipdan ang record sa syudad isip usa sa pinakaluwas nga syudad sa nasud Pilipinas.
