-- ADVERTISEMENT --
DAVAO CITY – Nadakpan sa usa ka buybust operation kagahapon sa kaadlawon sa may Dove St., Ecoland, Brgy. 76-A, Davao City ang usa ka dalaga nga nagbaligya og iligal nga droga.
Nadakpan ang 19 anyos nga si alyas Mecaella, residente sa John St., Trading Blvd., Brgy. 76-A, ning dakbayan.
Nakuhaan sa nagpailang poseur buyer ang suspek og usa ka sachet sa gidudahang shabu ug nakuha sab gikan sa posisyon niini ang lain pang onse ka mga sachet sa gidudahang shabu nga gibanabanang anaa sa 1.6 gramos ang gimbug-aton ug mubalor sa kapin kung kulang P25,600 ang kantidad.
Anaa sa kustodiya sa Ecoland Police Station ang suspek nga pasakahan og kasong paglapas sa Republic Act 9165 o Comprehensive Dangerous Drugs Act of 2002.
VIA || Bombo LJ Florendo
-- ADVERTISEMENT --
