DAVAO CITY – Nagpahigayon ug buy-bust operation ang mga sakop sa Cateel Municipal Police, uban ang Regional Police Drug Enforcement Unit XI, PDEA-Davao Oriental ug ubang ahensya, sa Sitio Yahuno, Brgy. Alegria, Cateel, Davao Oriental, sa miaging adlaw.
Nadakpan sa maong operasyon ang high value individual sa probinsya nga si Rodney Lanaban Celmar, 43 anyos, lumulupyo sa susamang dapit.
Napalitan ang suspek sa nagpailang poseur buyer ug kapin kulang nga P2,000 nga kantidad sa gituohang shabu.
Nakuha sab gikan sa suspek ang lain pang sachet sa shabu, mga cellphone ug ubang hinagiban.
Paslak karon sa Cateel Municipal Police Station ang suspek nga pasakahan ug kasong pagsupak sa Republic Act 9165 kon Comprehensive Dangerous Drugs Act of 2002.
via || Bombo LJ Florendo
