DAVAO CITY – Patay ang usa ka motorista human nalatayan kini ug usa ka ten-wheeler truck sa may Davao- Cotabato Highway, Barangay Astorga, Sta. Cruz, Davao del Sur, kaniadtong Huwebes sa hapon.
Sumala sa imbestigasyon sa Sta. Cruz Municipal Police, nagmaneho lamang padulong Digos City ang biktimang si Randy Alpetche Panotcho, 30 anyos, nagpuyo sa Maniki, Kapalong, Davao del Norte, sa dihang aksidenteng natumba ang iyang gimanehong motorsiklo.
Dayong naligsan kini sa truck nga gimaneho sa driver nga nagngalang Ronilo Angcon Pianar, 42 anyos, taga Barangay San Francisco, Panabo City, Davao del Norte.
Gisulayan pa ug rescue padulong sa ospital apan gideklara na kining dead on arrival. Wala pa nasuta ang mga nahiaguman niyang mga injuries.
Mi-surrender dayon ang driver sa kapulisan ug andam kining muatubang sa mga kaso nga ipasaka batok kaniya.
VIA || Bombo LJ Florendo
