-- ADVERTISEMENT --
DAVAO CITY – Nagbangutan karon sa prisohan ang alyas Cio nga gidakop sa Juna Subdivision, Barangay 74-A, Davao City tungod sa kasong pagpangawat.
Ang nahisgutang suspek nga taga- S.I.R. Barangay Santa Juana, Tagbina, Surigao Del Sur, naaktuhan pa sa usa ka barangay tanod nga si Johnny Laya nga misulod ang kawatan sa gate sa balay sa usa ka abugado.
Pagduol sa tanod, nidagan dayon ang suspek ug gibilin ang gibitbit niyang sako nga nag-unod ug grocery items ug mga ilimnong makahubog gikan sa maong balay.
Narekober gikan sa suspek ang usa ka laptop nga iyang nakawat gikan sa tapad niini nga balay sa susamang adlaw.
Kasamtangang gikustodiya na sa Ecoland Police Station si alyas Cio nga mag-atubang ug kasong theft.
-- ADVERTISEMENT --
VIA || Bombo LJ Florendo
