Pipila ka mga rebelde sa 10th Infantry Agila Division sa Kalinaw Village, Mahayag, Bunawan District sa syudad ang nakigpulong ngadto kang National Security Adviser, Secretary Clarita Carlos kauban ang Officer in Charge sa Ahensya sa Department of National Defense nga si Jose C. Faustino sa miaging adlaw, ning kasamtangang tuig.
Atol sa programa, gi-presentar sa 10D Commander nga si MGen Nolasco Mempin ang mga kanhi rebelde sa maong diyalogo ug matod pa niya nga ang presensya sa maong mga rebelde nagpamatood nga ang kalinaw sa maong dapit nagka-ubay-ubay na nakab-ot.
Sa ikaduhang bahin, miingon usab sa mismong panagpulong ang kanhi Deputy Secretary sa Sub-Regional Committee One, Joy James Saguino o alias Amihan nga naglungtad ang insurhensiya tungod sa kakuwang nga pagdumala ug suporta gikan sa atoang gobyerno.
Gibutyag sab niya nga pinaagi sa mga pagpaningkamot sa 10ID, nahimong sayon ang paghatod sa mga serbisyo sa gobyerno ngadto sa mga pinakalayo nga mga komunidad.
Sa gihisgotang diyalogo, nagpasalamat si Secretary Carlos ngadto sa mga kanhi rebelde sa ilahang kaisog nga mubalik sa gobyerno.
Sa samang paagi, iyang gipahinumdoman sila nga dili dumtan ang gobyerno ug gidasig sila nga mahimong determinado nga mga indibidwal.
Kahinmodoman nga nga gitapos sa 1003rd Infantry Brigade sa 10ID ang insurhensya lima ka buwan sa wala pa matapos ang termino ni Presidente Duterte nga adunay ihap nga 104 ka mga komunistang NPA ang na-neutralize ug 100 ka mga armas ang narekober.
VIA || Bombo David Francisquete
