DAVAO CITY – 25 ka mga indibidwal nga miyembro sa Persons Deprived of Liberty kun PDLs nga anaa sa Bureau of Jail Management and Penology District Jail (BJMP) sa Montevista, Davao de Oro ang nakadawat og National Certificate I Shielded Metal Arc Welding kun SMAW.
Sa gipahigayong seremonya kaniadtong Hulyo 22, midawat ang mga PDLS og National Certificates, Training Certificates, ug Training Support Fund gikan sa Technical Education and Skills Development Authority kun TESDA.
Lakip sa Special Training for Employment Program mao ang libreng SMAW training nga nagsugod gikan sa Abril 27 hangtud Hunyo 17 ug gisukod ilahang skills atol sa National Competency Assessment kaniadtong Hulyo 4 hangtud 6.
Kahinumduman nga kaniadtong Setyembre 2021, 15 ka mga PDLs sa nahisgutang lugar ang midawat usab og NCII sa Electrical Installation and Maintenance kun EIM.
Via || JENA MANGUIOB
