DAVAO CITY – Laing indibidwal na sab ang nasikop sa mga sakop sa Task Force Davao inabagan sa Davao City Police Office human nga nakuhaan kini ug illegal nga druga ingon man dili lisensiyado nga armas samtang milatas sa Lasang Checkpoint sa Bunawan ning dakbayan.
Una ng naila ang dinakpan nga si Thomas Timotea Apat Malim, 33 anyos, minyo, residente sa Brgy Mua-an, Kidapawan City, North Cotabato.
Gikanayong samtang nagmaneho kini sa iyang Ford Raptor, gipailalom ang nahisgutan sa mandatory border inspection.
Narekober sumala pa sa otoridad ang pakete sa illegal nga druga nga mutimbang ug kapin kun kulang 4.95 grams ug adunay estimated street value nga P79,200, ug Smith and Wesson Cal. 40 uban ang magazine nga puno sa walo ka mga buhing bala.
Sumala pa kang Task Force Davao Commander Colonel Darren E. Comia, walay exempted sa higayon nga makahimo ug salaud.
Gidayeg sab sa Task Force Commander ang otoridad gumikan sa padayon nga pagpatuman niini sa Culture of Security dinhi sa dakbayan.
Anaa kini karun sa kustodiya sa Bunawan Police Station ang suspek alang sa tukma nga disposisyon samtang gi-andam na sab ang tukma nga kaso nga iduso kaniya sa korte.
