DAVAO CITY – Gipahiluna na karun ang patay’ng lawas sa usa ka laborer kinsa una ng nalumos human nga gi-anud sa baha.
Kahinumduman nga hingpit na nga narekober ang patay’ng lawas sa biktima nga nailang si alyas Poloy sa Sitio Alom-Alom Barangay Ticulon Malita Davao Occidental.
Sa inisyal nga imbestigasyon nga gilusad sa otoridad, nanguha sumala pa ug kawayan ang biktima duol lamang sa kasapaan dihang kalit nga mikusog ang tubig ug gi-anud ang nahisgutan hangtud nga narekober na lamang kini nga walay kinabuhi.
Kahinumduman nga sa milabay nga adlaw nakasinate ug mga pagbaha ug sunod-sunod nga mga pag-ulan ang lugar tungod sa mipatigababaw nga Inter-Tropical Convergence Zone (ITCZ) nga maoy hinungdan usab sa halapad nga pagbaha sa luga ug nakaapekto sa daghanang mga residente partikular na sa Malita Davao Occidental.
Pipila sab sa mga dapit sa Davao Oriental ang gibaha ug nakasinate ug pagdahili sa yuta.
