DAVAO CITY – Himas karun sa presohan ang usa ka 43 anyos nga lalaki nga nag-atubang ug kasong Acts of Lasciviousness human nga nasikop kini atol sa gipahigayon nga operasyon sa otoridad.
Una ng gilusad sa mga personahe sa Island Garden City of Samal Police Station ang pagsikop sa suspek kaabag ang RIU 11, CIDG DNPFU IGACOS ug PNP Maritime IGACOS.
Naila ang dinakpan nga si Ernesto Saragena Cuberos Jr., 43 anyos ang pangidaron, laborer ug residente sa Barangay Miranda, Babak District, Island Garden City of Samal.
Gisikop ang nahisgutan pinasikad sa Warrant of Arrest nga gipagula ni Hon. Carmel Gil Grado gumikan sa kasong Acts of Lasciviousness in relation to Republic Act 7610 ilalom sa Revised Penal Code sa Pilipinas.
Nadakpan ang nahisgutan sa mismong pinuy-anan niini sa Samal ug kasamtamang temporaryong gikustudiya sa Island Garden City Police Station alang sa tukmang disposisyon.
Makagawas lamang kini sa presohan kung makaduso ug piyansa nga Php 180,000.
Padayon ang panawagan sa otoridad ngadto sa mga residente sa maong dapit nga makiglambigit lamang kanila sa higayon nga adunay masayran nga mga indibidwal nga dugay ng pinangita sa balaud.
